دليل الشباب للمصطلحات

ده دليل الشباب الروش
لفهم الكلام الكبير

واحده واحده بق معايا علشان الكل يفهم

العولمة : هى عملية تحول اجتماعيه وثقافيه وفنيه تتزعمها روبى

الشفافيه : سمه ضروريه للملابس المستخدمه فى العولمة

التغيير : عملية شديدة الاهميه تتعمل للطفل لمة يكون مبلول

المبيعه : ورقه بتعملها لمه تبيع عربيه قديمة

غسيل الاموال: تحدث لمه تنسى المحفظه فى البنطلون الى هيتغسل

عملية السلام: زى عملية الوز تنتهى بانك ترمى الوزتين فى الزباله

سلام عادل وشامل: طب عادل وعرفناه مين بقى شامل ده

الخصخصه :عمليه تحدث يوم شم النسيم مع اكل الفسيخ والرنجه

التنوير : عمليه بتحصل فى المناطق الى ساكن فيها وزراء

الارهاب : نوع من السلطات يقدم مع الكباب

رجال الاعمال : ناس شغاله مع الجن بتعمل اعمال وبتعرف تفك بردو

الشريط الحدودى: هو الشريط الى جى لعمرو دياب

عصر المعلومات: عصر تلاقى فيه كل حاجه بس لمه تدفع المعلوم

سياحة الاثار: هى خروج الاثار مع السواح للفرجه على العالم

البيئه : شتيمه يطلقها الشباب على الطبقه الفقيرة

صندوق النقد: ميفرقش كتير عن صندوق الزباله

حرية النشر: تمارسها الستات على اسطح البيوت مع الغسيل

العمل الثورى: مذكر العمل البقرى

قطاع الاعمال : زى قطاع الطرق بالضبط

احمد زويل : صنع فى مصر بس تجميع امركانى


اتمنى انى اكون وفقت فى شرح الكلام الكبير ده

منقول

واتمنى انكم ما تكنوش زهقتوا منى